No marco do proxecto Mixturando, continuamos ampliando e fortalecendo as oportunidades de formación para todas aquelas persoas interesadas na xestión sostible do monte, na mellora dos recursos forestais e na prevención de incendios. Neste labor contamos cun aliado estratéxico: o grupo PROePLA da Universidade de Santiago de Compostela, entidade colaboradora do proxecto e referente na formación ambiental, forestal e agroforestal en Galicia.
A través da súa plataforma formativa, PROePLA ofrece diferentes cursos online de actualización profesional, pensados tanto para técnicos e profesionais do sector como para persoas vinculadas ao medio rural que desexan mellorar as súas competencias en xestión forestal, bosque mixto, economía agroforestal e adaptación aos novos desafíos ambientais.

Como participar
As persoas interesadas poden inscribirse directamente en:
👉 cursos.proepla.com
Para recibir apoio ou resolver dúbidas, tamén poden contactar co equipo de formación de Mixturando:
✉️ formacion.mixturando@proepla.com